Actividades - Ovella Galega

Actividades

Ovella Galega		Galiña de Mos

Mediante a posta en marcha de recuperación da raza de ovella galega pretendo acadar os seguintes obxectivos:
1. Recuperar a fertilidade das terras familiares e veciñais ,xa avandoadas. 2. Participar no programa de recuperación de razas autóctonas en perigo de extinción para evitar a desaparición da ovella galega.
		3. Conservar a natureza a través dunha agricultura sostible, practicando o pastoreo, respectando as esixencias ambientais. 4. Lograr unha producción de carne ovina de alta calidade. 5. Comercializar con carne de gando ovino en réxime ecolóxico. 6. Poñer en funcionamento unha explotación en réxime extensivo. 7. Rexistrar tódolos exemplares nados na miña explotación.
Para tratar de acadar os obxectivos plantexados comézase polos traballos de desbrozamento das terras abandoadas dende hai máis de dúas décadas. A medida que a explotación o require vaise ampliando terreo a petición propia ou a petición dos veciños que cren que as súas terras estarían mellor dando producto.

Na miña explotación os cordeiros de raza ovella galega críanse ao aire libre ,dende o seu nacemento ata a súa venda, mamando con total liberdade da súa nai e pacendo en terreos ecolóxicos.
Sigo un programa de cría de animais de raza facendo unha correcta selección , controlando as crías por parto de cada ovella nai e aplicando unhas condicións de manexo e alimentación totalmente naturais. Tódalas reses nadas na miña explotación rexístranse de forma estricta cunha identificación individualizada para posteriormente inscribilas no Rexistro de Raza de Ovella Galega. O control tamén e seguido polos servizos técnicos da Xunta de Galicia. Periódicamente cumpliméntanse os documentos necesarios para manter actualizado o Libro de Rexistro.

Das crías nadas na explotación ,realízase unha selección de femias para ser nais ,tendo en conta as características morfolóxicas específicas da Ovella Galega. A miña intención é dar a coñecer a calidade do producto a través da venda directa de cordeiros vivos tanto para recríar como para sacrificar, mesmo visitan a explotación para ver os animais en estado natural.

A galiña de mos trasladeina do concello de Riotorto para o concello de Cervo por ser aquí onde teño a miña vivenda habitual e os obxectivos son distintos. Pretendo:
1. Recuperar as características morfolóxicas dos seus inicios que perderon polos sucesivos cruces con outras razas. 2.Facer un estudo da súa productividade tanto en carne como en posta de ovos.
Para lograr o exposto faise unha selección exhaustiva de exemplares tanto masculinos como femeninos. Obsérvanse tódalas características morfolóxicas de plumaxe, configuración corporal, crista, orelliñas, patas,cor... De tal forma que os defectuosos adícanse ó sacrificio e ó consumo. Os ovos fecundados incúbanse con gali ñas ou con quicas. T ódolos exemplares da explotación están rexistrados. Lévase un control da posta das galiñas seleccionadas para tal fin así como a calidade dos ovos postos en tamaño e número de xemas que posúen os ovos.